بوستات

- {بعد الجواز الحُب بيقل}. جملة غلط بنسمعها كتير قوي. وبسببها بيوت كتير بتنهار. والسبب الرئيسي فيها قلة الوعي والخبرة. لانُه ببساطة مفيش حاجة إسمها (حب بيقل). انما الظروف بتتغير.
،،
- ستات كتير بتشتكي أن جوزها مبقاش يهاديها، مبيكلمهاش فون زي قبل وأيام الخطوبة، مبيقولهاش كلام حلو بأستمرار (ده لو قال أصلًا). مبقاش يزور أهلها، مبقاش يهتم بشكلة ونضافتُه، والستات بيعتبروا الحجات دي (حب بيقل).
،،
- احنا العرب عمومًا بنعاني من مشكلة (أهمال كل شيء بنملكه والجرس ورا كل شيء محرومين منه لحد ما نملكه وبعدين نهمله برضو). ولازم أنت ك ست تتفهمي ده كويس. تعرفي ان الراجل العربي معندوش ثقافة الأهتمام والأحتواء أنما ثقافة سي السيد وده نتيجة التربية الغلط وقلة الثقافة والقهر اللي بيتعرضله من صغره ع أيد أولي الأمر والمدرسين ولنا يكبروا مديرينهم ف الشغل والحكومات.
،،
- الحب بعد الجواز مبيقلش. انما بيتبدل. بمعنى انه كان بيكلمك فون ف أنت دلوقت جوه بيته وشايفك مكتفي منك. كان بيهاديك كل فترة لكن دلوقت بيصرف عليك يوميًا ف أكل وشرب وكماليات تانية. مبيزورش أهلك لأنه كان بيزورهم عشانك وأنت دلوقت ف بيته ف تفكيره ان هما اللي المفروض يزوروكِ. مبيقولش كلام حلو لأنه متخيل ان العلاقة الحميمة والسرير بتعوض ده.
،،
- الستات لازم تفهم رجالتها بتفكر ازاي عشان تتعايش معاهم وترتاح. جوزك مش مكبر دماغه ولا فاشل ولا متعصب ٢٤ ساعة ع الفاضي. أنما هو راسة مفرومة تفكير ف (هيسد أيجار شقته بكام، هيدفع كهربا وماية كام، هيجيبلك وله لبس بكام، لو تعبتي شوية دي مصاريف زادت ع المرتب. ولاده ، مدارسهم. دروسهم.) الراجل العربي غالبًا نتيجة الفقر، الجهل، الفساد الحكومي بيعاني من الفقر، من قلة الحياة الكريمة، من أنحدار صحته بسبب سوء التغذية والاكل الفاسد وقلة الراحة.
،،
- الحجات اللي فاتت دي كلها ضغوط ع الراجل ونتيجة قلة الخبرة، وانعدام ثقافة التحمل وتقبل الاوضاع بيلجأ للعصبية، والمزاج الصعب، او للهروب من كل حاجة بحبس نفسه مع اصحابة او ف الفيس بوك او جوه علاقات مشبوهة ،، المهم عنده حاجة تشغله عشان ميفكرش لأنه لو فكر هيتجنن وممكن فعلا يجرالة حاجة أمكبر.
،،
- #الخلاصة : الحياة مش جنة ومحدش بياخد كل حاجة وكل راجل وله عيوبه زي ما كل ست لها عيوبها. لو أخدتي الغني هيطلع بتاع نسوان وعاجبك او لا اضربي دماغك ف الحيط ويخونك عافية بس هتعيشي برنسيسة. لو اخدتي الفقير مش هيعرف يعيشك برنسيسة بس جايز يصونك ويكون محترم. ،،، من الآخر احنا مش ف الجنة عشان تاخدي كل حاجة. قبل ما تشتكي او تخربي بيتك فكري هل دي مشكلة تستحق اخرب بيتي عشانها ؟! افهموا ان في مشاكل وعيوب ينفع نتعايش معاها لأنه مفيش غيرها وكل الناس مريضة بيها.
،

هذا النص هو مثال لنص يمكن ان يستبدل في نفس المساحة ايضا يمكنك زيارة مدونة مدون محترف لمزيد من تحميل قوالب بلوجر.