|[يوميات مريم و مالك ]| الحلقه السابعه

|[يوميات مريم و مالك ]| الحلقه السابعه

|[يوميات مريم و مالك ]|

الحلـــقة السابعة 

اسفين ياجماعة ان الحلقة اتأخرت النهاردة ويارب تعجبكم :)
--------------------
مريم و مالك طلعوا من المحل بيكلم عمر يشوفة فين ..
عمر : ماالك مااالك ألحق !
مالك : ايه يابنى كنت فين
عمر : كان فى مظاهره ف الشارع اللى ورا وكنت بيص عليها دى
مالك : ياعم وربنا هينزلهم امين دلوقتى يخليهم يقلبوها زفه ويروحو على بيوتهم
عمر : لالا دى كبيره وشكلها هتقلب جد المره دى..خد انت البنات روحهم وانا ههتف معاهم شويه وامشى
مالك : ياعم فكك يلا عشان نمشى
ليلى : يلا ياعمر عشان توصلنى
عمر : معلشى يامالك وصلها
ليلى : خلاص روح ياعمر :@@
عمر : هكلمك...سلام ياجماعه
مالك : سلام
ليلى : خليتو يمشى ليه يامالك
مالك : ماانتى عارفه ياليلى مابقدرش عليه ف الموضوع ده
مريم : فى ايه ماتفهموناا
مالك : بس بقا يابت انتى وهى افصلو صدعتونا يلا ياليلى حمدالله عالسلامه انزلى
ليلى : شكراً عالتوصيله.. يلا سلام
مالك : ايه رأيك نوصل هاله وبعدين اخطفك
مريم : هههههههه طب اصبر لما نتخطب عالاقل عشان كلام الناس
مالك : يااادى كلام الناس ياستى ماتخلنيش انزل اقلعلهم ملط ف الشارع
مريم : اهبل وتعملها طب خلاص يلا اخطفنى بس لو بابا حبسك انا ماليش دعوه
مالك : لا وعلى ايه انا لسه عريس ياختى وعايز افرح بنفسى
__________________________
ليلى : أيوة يا استاذ
عمر : حبيبتى.. انا اسف علشان سيبتك ومشيت بس انتى عارفة غصب عنى
ليلى: لا مش غصب عنك يا عمر انت عارف انا بقلق عليك من الموضوع دة و اتكلمنا 100 مرةة وانت مافيش فايدة
عمر : ليلى عشان خاطرى انا جاى تعبان و مش قادر اتناقش ف الموضوع دة
ليلى: طب قولى لحد امتى هتفضل كدة؟
عمر : أيوة,
ليلى : طيب يا عمر وجودك انت مالوش لازمة صدقنى , عشان خاطرى بلاش تنزل تانى
عمر: ليلى تصبحى على خير
ليلى : أنا بكلمك ياااا عمررررررر
عمر : ليلى كلام ف الموضوع دة تانى مش هيفيد بحااجة
ليلى : طيب بعد الشر عليك يا حبيبي و اللى يريحك اعملة بس خلى بالك من نفسك لو بتحبينى
عمر: حااضر ياحبيبتى
ليلي : روح بقي نام و لما تصحى كلمنى
عمر : طيب يا حبيبتى تصبحى ع خير
ليلي :وانت من اهلة
عمر: سلام
ليلى : سلام
____________________________
- تــانى يوم نتيجة هاله و مريم ...
هالة : مريم مريم مريم
مريم : اييية؟
هالة : مررريمم مريم , أصحى يا ترماااخة
مريم : في ايييييييييييييييية :@
هالة : النتيجة طلعت نجحناااااااااااااااا
مريم : بجد ؟؟ لولولولوولولولولولولىى
مامت مريم : الف مبروك الحمدلله انها نجحت كنت فاقدة الامل .. انتى عملتى اية يا بت يا هاله
هالة : جيد جدا
مامت مريم: شاايفة البنات الشاطررة اللى مالهااش ف الحب بيبقي مستقبلها حلو ازاى يا موكوسة؟
مريم :ع فكرة انا طول عمرى فااشلة مش لما عرفت مالك يعنى -+-
هالة : ايوةة صح مش بالحب يعنى
مامت مريم : ربنا معاكو يا حبايبي .. امتى بقي تخلصو خاالص و نخلص منكم
هاله : خلاص قاعدين على قلبكواا للدرجادى
مريم : طب اية؟ انا شيفاكى قاعدة و مريحة ! عايزين نقعد مع بعض شوية؟ مش بابا عايز يفطر؟
مامت مريم: أة بتهويني يعنى .. ماشي ياختى خليكي يا هاله اتغدى معانا النهاردة
مريم : اة ما هى هتتغدى معانا النهاردة اعملى حسابها ف الاكل
مامت مريم : ياختى كل يوم بعمل اكل و بيفيض منة و بقول..
مريم : خلااااص يا ماما مش وقت حكااااوى
مامت مريم : ياااا سااتر عليكي انا ماشية
هاله : طبعا بتهويها عشان تكلمى مالك
مريم : امال عشان اقعد ابص لجمال عيونك !
هاله : اية الوطينة دى
________
مريم: ماااااااااالك بتعرف تزغرط ؟
مالك : لية في اية ؟ هتتجوزى ولا اية ؟
مريم : لأ ياظريييف مش مشكلة انا زغررط
مالك : في اية طيب؟
مريم : نتيجتى ظهرت و نجحت الحمدلله بـمقبول
مالك : طب الحمدلله يا حبيبتى بس اية السعادة اللى انتى فيها دى حسستيني انك طلعتى من الاواائل
مريم : ع فكرة مش عاجبك ممكن ..
مالك : لأ لأ والله انا اقدرر برضو .. حيث كدا بقي لازم اعزمك النهاردة على حاجة بالمناسبة السعيدة دى
مريم : انت مالك قلبت على افلام عربي كدا لية ؟
مالك : صح ؟ انا بقول كدا بررضو
مريم : هاهاها خلاص النهاردة هننزل على الساعة 7 كدا ماشي؟ ماشي يا هالة؟ ماشي خلاص يا مالك
هالة : انا لسة اتكلمت !!
مريم :@:@
هاله : خلاص :@
مالك : و هالة عملت اية صحيح ؟
مريم : جيد جداا
مالك : ما شاء الله عليها
مريم : مش بنت خالتى يابنى
مالك : اة طبعا ما انا عارف
مريم : طيب يلا قووم بقي افطرو ابقي كلمنى
مالك : خلاص ماشي ياحبيبتى يلا سلام
مريم : سلام
____________________
- مالك بيكلم عمر عشان يقولة انهم هخرجوا النهاردة ..
مالك : أنت فين؟ و اية الدوشة اللى جمبك دى ؟؟
عمر :ايوة استنى دقيقة واحدة واكون معاك
مالك : طيب !
....
عمر : ايوة معااك .. انا ف مظاهرة يابنى :D
مالك : بتنيل اية
عمر :في مظاهرة النهاردة من الصبح
مالك : ياادى النيلة طيب اجيلك؟
عمر : لالا خليك انت و اوعى تقول لـ ليلي انى هنا انا مفهمها انى لسة نايم
مالك : طيب متخافش مش هقولها حاجة .. طب انت هتخلص امتى؟
عمر: انا شوية كدا و هروح .. اية هنخرج النهاردة؟
مالك : أةة متتأخررش بقي روح و كلمنى ماشي؟
عمر : خلاص ماشي يلا سلام
_________________
*بلــيل*
مالك : ما تخلصي بقالى ساعة واقف تحت و ليلى قاعدة ف النادى مستنيانا
مريم : نااازلة اهوو اهدى بقي
....
هالة : مسااء الفل يا اخ مالك
مالك : مساء الجماال الف مبروك يا استاذة "D
هاله : هههه الله يبارك فييك
مريم : الله يبارك فيك برضة يا مالك
مالك : انا قولتلك مبروك ف التليفون مش قصة بقي
مريم : ماشي ياخويا .. مين بقي قالك ان ليلي مستنيانا
مالك : ماانا كلمتها
مريم : و تكلمها لية سياادتك؟
مالك : أووبا بقي بدأنا اهو نغيير
مريم : ع فكرة عااادى يعنى
مالك : اة ما انا واخد بالى انة عاادى .. بعنيكي الحلوة دى
مريم : أيووة سبيتنى بقي.. متوهش عن الموضوووع بتكلمها لية !!
مالك : ياحبيتى والله عمر كان ف مظاهرة و قالى هروح و ابقي اجيلكوا و مش معرفها انة ف مظاهرة ف كان لازم انا اللى اكلمها اقولها تروحلنا على النادى مش هكلمها احب فيها يعنى انتى عارفة مين اللى ف القلب
مريم: أة يا خووفي
مالك : بت بطلى رغي بقي انتى مش عارفة انى بحبك !
مريم : لأ عارفة انك بتمووت فييا
مالك : و بعشقك كمان :$
هالة : إحم طب هخلع انا بقي , هسبقكوا عند ليلي
مريم : طيب احنا وراكى اهو
ليلى : لأ بدرى والله كنتوا اتأخروا شووية كمان :@
مالك : صحابك اللى أخروونى اعمل اية !
ليلي : طيب عمر مبيردش علياا اتصل بية والنبي
مالك : حاضر
هاله : الجو هنا تحفة بجد
ليلي : أة الجو حلو اصلا النهاردة
مالك : مبيردش لية الغبي دة
مريم : هتشربوا اية يا جماعة ؟؟
ليلي : مش هنستنى عمر؟
مالك : هو قالى انة هيبقي يجيلنا ع هنا
هاله : طيب هاتيلي انا قهوة
مريم : تمام , وانتى يا ليلي؟
مالك : أهوو عمرر بيتصل .. ألوو ؟
- حد غريب رد على مالك ..
مالك أتخض و قام من على الكرسي : أأأيوةةة ؟ مين معايا  :O ؟!!
_______________

شاركه

عن غير معرف

هذا النص هو مثال لنص يمكن ان يستبدل في نفس المساحة ايضا يمكنك زيارة مدونة مدون محترف لمزيد من تحميل قوالب بلوجر.