كانت هنا أميرة فى قصر عالي بتحلم تكون قمر الليالي تسهر مع نجمة تحكي مع القمر تقول قصيدة كلماتها غزل كانت هنا أميرة بتحلم احلام غريبة مرة طايرة فى السما والمرايا دايما بتحكي عن جمالها وحسنها اكتر حاجة كانت بتتمناها انها تكون سعيدة مع ناس بتحبهم ويحبوها عاشت حقيقة ولا الخيال وللحب قلبها حن ومال دا حب ولا كان على البال اخدت جيتارها وراحت جزيرة تعزف هناك آجمل الآلحان بطيبة قلبها عاشت حياتها ولا خافت مرة غدر الزمان قابلها فارس واسمه (.....) آجمل اسم بين الرجال الأميرة قالت الحب عمره ماخطر ببالي وقلبي دايما فاضي وعمره ماكان بيعاني اصل الحب دايما بيعذب رخيص وغالي مش بيقدر قلب صغير لسه بيتعلم ولا قلب من الهوي عاني قالها انتي روحي وعمري وكل امالي وانتي اللى كنت دايماً بتمناها حاول كتير معاها وهي كانت رافضة حبه الف طريق وطريق حاول بيه يوصل لها وهي من جمالها وطيبة قلبها حست بهمساته وقربت من حياته اتعلمت الحب وسرعه دقاته حرف بحرف اتعلمت ازاى يكون الحب وعلى ايديه اتعلمت
خافت لتكون بتحلم قرب منها وقالها هاكونلك اقرب من ضلك وبايدي هامسح دمعك وهاكون نجمة ليلك وقمرك خافت عليها وعلي قلبها جريت بسرعة وخافت قلبها يحن له نادي عليها برقه وحنيه سلمت قلبها من آول نظرة
دابت فى كل كلمة قالها ليها قلبها حس بكل آحساسه خلاها تشوف احلامها بعينيها خافت لتكون بتحلم شافت الجنة وكل اللي حلمت بيه فى يوم معاه حمدت ربها انهم اجتمعوا فى صدفة غريبة اتقابلوا لكن القدر من تاني فرقهم ياريتها ماكانت حبيته ولا كانت فى يوم لاقيته قصص الحب غريبة وكل يوم قصة جديدة عذاب وألم وحيرة نفسي القصة تكمل مع حبيب وحبيبه نفسي الحب يكبر نفسي اشوفه آجمل مش كل يوم رواية وبأيدينا نكتب نهايته
0 التعليقات :
إرسال تعليق