قصه صدفه الحلقه الاولى

قصه صدفه الحلقه الاولى 

قصه صدفه 

الحلقه الاولى 

مش كل حاجة في حياتنا باختيارنا .. لان اصلا حياتنا مش باختيارنا .. محدش اختار مكانه ولا زمانه ولا اهله .. بس كل واحد هو اللي بايديه يحدد مصيره في الطريق اللي انكتبله ... كل واحد هو اللي اختار النجاح او الفشل ...واغلب قرارتنا بتكون بارادتنا .. لكن مننساش ان الحظ والقدر عامل كبير في اختيارنا .. والصدفة اكيد .. بتكون قدر .. هو طريق حياة ... صعب او سهل .. هنمشيه لاخر خطوة ...
____&_____
في غرفة في شقة في بلد اجنبي ...
كانت ملك بتستعد وبتلم هدومها في شنطتها وهي بتكلم في التلفون ... : ايوة يا ستي ماتت وسابتني لوحدي ..
ياسمين : ادعيلها بالرحمة يا ملك .. راحت عند اللي احسن مني ومنك ..
ملك : ونعم بالله .. الله يرحمها .. اخبار رنا ايه بقالنا كتير متكلمناش ..
ياسمين : متقلقيش كلنا كويسين .. انتي ناوية تعملي ايه دلوقتي ..
ملك : امممم متستعجليش هتعرفي قريب ..
ياسمين : مش ان الاوان ترجعلنا بقي .. وترجعي لبيتكوا واهلك اللي هنا .. اللي كانت منعاكي راحت لربنا خلاص ..
ملك : اهلي .. انهي اهل دول يا ياسمين .. اهلي اللي نسيوا انهم يعرفونا بعد ابويا ما مات ...
ياسمين : خلاص اهدي .. ع العموم اللي يريحك ..
ملك : ربنا يسهل . . انا مضطرة اقفل بقي سلام .. خلي بالك من نفسك ..
ياسمين : حاضر وانتي كمان .. سلام
______&______
في مكتب في شركة كبيرة ..
رنا : يا محمد انت كده هتضيع صفقة كبيرة اوي .. وهتضيع مكسب كبير للشركة ..
محمد : وانتي فاكرة ان الشركة يعني مش هتضيع لو الصفقة دي تمت .. احنا كده هنخسر اكتر من اللي هنكسبه ..
رنا " انت عنيد دايما كده " : فكر في الموضوع تاني لسة شهرين مش هنخسر حاجة ..
محمد : طيب روحي علي شغلك دلوقتي ..
رنا " هتضيع مستقبلي يا غبي " : تحت امرك ..
__&__
خرجت رنا من مكتبه واتوجهت لمكتبها لكن تلفونها رن ..
رنا : ايوة يا ياسمين خير ..
ياسمين : مالك يا رنا حد مضايقك ...
رنا : لا مشاكل من الشغل بس ..
ياسمين : طيب بس كنت عايزة اقولك .. اا.
رنا : ااايه اخلصي انتي كمان ..
ياسمين : ملك مامتها اتوفت .. واحتمال ترجع مصر ...
رنا : بجد !! .. الله يرحمها .. متعرفيش راجعة امتي ...
ياسمين : انا بقول احتمال لكن مش متاكدة ...
رنا : خلاص هكلمها اما اروح .. يالا باي
ياسمين : باي ...
______&______
في مطعم في البلد اللي كنا فيها ...
ملك : انا هسافر واسيب المطعم في مسؤليتك يا حسن .. وانا عارفة انك قدها ..
حسن : متقلقيش يا فندم ... كل حاجة هتبقي كويسة ...
ملك : حجزت التذكرة ...
حسن : اه بكرة الساعة 9 يعني تكوني في مصر علي الظهر كده ...
ملك : اممم تمام .. انا هسبلك المفاتيح المكتب متسبهوش طول سفري ..
حسن : حاضر ..
ملك : المطبخ تمر عليه كل شهر كل اللي ناقص يوصل كل الطلبيات اللي مضتها تتم .. الرواتب في معادها كل شهر ..
حسن : صدقيني كل حاجة هتبقي كويسة ..
ملك : اه .. الورد اللي علي الطربيزات يتغير كل يوم .. وطبيعي يا حسن مش بلاستيك ...
حسن : ههههههه كاتبها في ال notes عندي ...
ملك : كده تمام ..
حسن : عن اذنك بقي اشوف شغلي ...
ملك : اتفضل ...
______&_______
بعد 3 ساعات ...
في مكتب محمد ... : ايه يا عبده فينك يا عم واحشني ..
عبد الرحمن : معلش يا حمادة الدنيا تلاهي ..
محمد : انت مش هتبطل حمادة دي يا جزمة الناس دلوقتي بتقولي يا محمد باشا ..
عبد الرحمن : انت هتكبر عليا يا واد ولا ايه ..
محمد : العفوو يا كبيير ...
عبد الرحمن : بتضايقك يا حمادة .. طب يا حمادة .. يا حمادة ..
محمد : هقابلك بليل يا رخم علي 9 في معادنا ...
عبد الرحمن : هستناك .. يالا في رعاية الله
محمد : في رعاية الله ...
_____&_____
في بيت ياسمين المستقبلي ...
ياسمين : ايه رايك يا حبيبي لو نخلي الاوضة هي اللي موف والصالة هي الدهبي ..
ياسر : بصي يا ياسو الشقة دي شقتك وتعمليها بمزاجك انتي ..
ياسمين : يا حبيبي ما انا عارفة بس باخد رايك وبعدين تاني مرة متقولش شقتك دي ...
ياسر : امال اقول ايه يا قلب حبيبك ..
ياسمين : قول شقتنا ^^ . .
ياسر : طب ينفع اقول بحبك ...
ياسمين : ... المطبخ بقي يا ..
ياسر : انا بقول نعمله احمر لون خدودك كده ..
ياسمين : يا رخم ^^ ...
_______& ______
ونرجع تاني لمكتب رنا ...
في مكالمة في التلفون .. : يعني اعمل ايه هو اللي رافض ..
.... : يعني ايه رافض .. ما تتصرفي واقنعيه زي كل مرة ...
رنا : المرة دي غير كل مرة .. قبل كده كنت بمشي السعر اللي عايزينه .. المرة دي الوضع اختلف ..
.... : اقنعيه ونصيبك يزيد 50000 الف كمان ....
رنا : ايه !! ... خلاص هحاول ..
..... : انتي قدها يارنوش ده انتي تربيتي ..
رنا " ربنا ياخدك يا اخي" : اكيد .. سلام ..
قفلت رنا المكالمة مع الشخص المجهول ده وابتدت تفكر هتعمل ايه ...
_____&______
في المطعم اللي كنا فيه ...
دق الباب ...
ملك : اتفضللل ...
حسن : ممكن افهم بقي ليه مروحتيش لحد دلوقتي المفروض تجهزي شنطتك وتظبطي امورك ....
ملك : متخفش الشنطة حضرتها الصبح وكمان الورق جاهز ومفتاح الشقة هسلمه قبل ما اسافر ...
حسن : طيب يبقي تروحي ترتاحي بقي ..
ملك : البيت مبقاش فيه راحة من بعد امي ..
حسن : الله يرحمها .. ايه الورق الكتير ده .
ملك : كنت براجع الميزانية والحسابات عشان موقعكش في مشاكل ...
حسن : يوووه .. والله كل حاجة هتبقي كويسة ريحي دماغك بقي ...
ملك :
ههههههههههه اما نشوف ...
دق الباب مرة تانية وبعدين اتفتح ..
ملك : يا اهلا يا اهلا شيخ منصور نورت المطعم ...
حسن : طب استئذن انا بقي ..
اشارت ملك له بالانصراف وكملت .. : ده انا حظي حلو النهاردة بقي ...
منصور : والله سمعت انك مسافرة .. ما رضيت غير اجي اودعك بنفسي ..
ملك : طول عمرك صاحب واجب ومفيش حاجة تفوتك ...
منصور : الله يخليكي ... وبصراحة ما جيت بس لاودعك .. انا عندي عرض اتمني ما ترفضيه ...
ملك : عررض !! .. خير
منصور : انا حابب اشتري المطعم .. من انجح المطاعم اللي بالمنطقة وماشالله بيربح ..
ملك : بس انا مصدر دخلي وشغلي الوحيد هو هنا يا شيخ المنصور هوالمطعم ده..
منصور : انتي اليوم راجعة مصر وبثمنه للمحل بتفتحي انجح مشروع ببلدك وبتستقري بحياتك بارضك ...
ملك : انا مش راجعة استقر هناك انا راجعة اخلص امور كانت لازم تخلص وهرجع لحياتي هنا تاني ...
منصور : وتعيشي لحالك ببلد غريب.. لا اب ولا ام ولا زوج ..
ملك : انا عايشة هنا من لما كان عمري 22 سنة اعرف هنا اكتر ما اعرف بلدي.. واهلي راحوا لخالقهم .. اما الزوج بقي فانا مستنية نصيبي .. وحياتي هكملها هنا ...
منصور : الحين انا ماشي بس فكري باللي قلته والفرصة عندك لبين ما تركبي الطيارة ... توصلي بالسلامة ..
ملك : الله يسلمك ...
_______&_______
بعد ساعتين ...
محمد : رنا انا ماشي بقي وانتي كمان امشي يالا عشان تلحقي تروحي ..
رنا : حاضر بس هطلبهم تحت يوقفولي تاكسي الاول وبعدين انزل ..
محمد : وتاكسي ليه تعالي اوصلك في طريقي ..
رنا : انا كده هتعبك ..
محمد : يالا بلاش رغي ...
عند العربية ...
رنا : اركب قدام ولا ورا ..
محمد : هتفرق يعني !! .. اللي يعجبك ..
ركبت رنا قدام وركب محمد وفي الطريق ..
رنا : فكرت هتعمل ايه ؟؟
محمد : انا مغيرتش قراري بس لسة هفكر .. وهقعد مع عبد الرحمن بليل ونتكلم ..
رنا : اممممم كويس انك هتفكر تاني .. يمكن ميكونش في خسارة ولا حاجة زي ما انت فاكر ...
محمد : ربنا يسهل ..
حطت رنا ايدها علي ايد محمد : وطول ما انا معاك متخفش من حاجة ...
وقف محمد العربية ... : انا قلت 100 مرة ان احنا اصحاب واخوات بس مش اكتر .. وانا بعاملك علي اساس كده لكن لو فكرتي في اي حاجة تانية انا سهل اخلي المعاملة رسمي تاني ...
رنا : انت فهمت غلط انا اقصد ..
محمد : احنا وصلنا .. انزلي ..
رنا : سلاااام ...
_____&_____
ونرجع تاني لشقة ياسمين ..
ياسمين : اقفل الباب كويس ..
ياسر : يعني هتتسرق مثلا ..
ياسمين : يمكن يسرقوا البلكونة. .
ياسر : انا قلت هبلة محدش صدقني ..
ياسمين : طب روحني بقي عااا.. ولا خليك انا هروح لوحدي ..
ياسر : تعالي يا هبلة بدل ما اجيبك بطريقتي ..
ياسمين : اممم اللي هي ..
ياسر : ولا حاجة همسك ايدك كدة واقوم بايسها كد...
* كل غالي يهون يا حبيبي فداك *
ياسر : ابو الفصلان ..
ياسمين : استني دي ملك ...
الو ايوة يا موكا ازيك ... انتي بتكلمي بجد !!

شاركه

عن غير معرف

هذا النص هو مثال لنص يمكن ان يستبدل في نفس المساحة ايضا يمكنك زيارة مدونة مدون محترف لمزيد من تحميل قوالب بلوجر.