ازاي تعلق بنت من على الفيس بوك
وفي شباب كتير مش بيعرفوا يدخلوا ويتعرفوا على بنات من الفيس بوك وبيندهشوا جدا لما يلاقوا اصحابهم مولعين الدنيا على الفيس.
الفيس بوك هو موقع التواصل الاجتماعى الاشهر في العشر سنين اللي فاتوا , حتى بالنسبة للتعارف بصفة عامة والعلاقات العاطفية بصفة خاصة , الفيس بوك بقى مصدر التعارف الأكبر بين الولد والبنت , وفي شباب كتير مش بيعرفوا يدخلوا ويتعرفوا على بنات من الفيس بوك وبيندهشوا جدا لما يلاقوا اصحابهم مولعين الدنيا على الفيس بوك ,طب صاحبك ده بيعمل ايه علشان يجيب البنات , ماتيجوا نشوف.
الجروب
اول حاجة بلاش جو طلبات الصداقة والكلام الفاضي ده انت اختار جروب يكون التفاعل عليه كتير وادخل فيه وابدا نشر البوستات بتاعتك عليه , وحاول تكتب كلام ذو قيمة في البوست بتاعك ده , ومايكونش موجه للجنس الاخر بطريقة مباشرة.
التعليقات
حاول تعلق على البوستات اللي البنات اللي في الجروب ده ناشراها , وخلي تعليقاتك تبقى في الجون يعني تمس قلب البنت اللي كاتبة البوست بشكل او بأخر علشان تعلق على تعليقك تروح انت رادد عليها ومن هنا يبدأ الكلام بينكوا وانت وشطارتك بقى.
الشات
بعد نقاش طويل حوالين البوست اللي كاتباه البنت هتلاقيها هي من نفسها بعتالك رسالة على الخاص وبتكمل معاك الكلام بس مش هاتضيفك هيبقى الكلام على الخاص كده بس من غير اضافة , تجاوب معاها وكمل كلام معاها عادي واوعى تبعتلها طلب صداقة.
التليفون
هاتفضلوا تتكلموا على الشات الخاص كده بالساعات , وفجأة هتلاقيها بعتالك الرسالة المنتظرة “ممكن فون ؟” تروح انت على طول طالب منها الرقم وتروح مكلمها وكمل معاها السهرة الصباحي بقى يا معلم في التليفون وأنت ومجهودك بقى.
المقابلة
بعد كام يوم من المحادثات الطويلة في التليفون حاول تخليها تقابلك بس في الاول لازم تتأكد من انها عايزة تقابلك بس مستنياها تيجي منك , وأول ما تتاكد من أنها نفسها تقابلك اعرض عليها المقابلة واتقابلوا وادعيلي.
0 التعليقات :
إرسال تعليق