"دينا الشربيني" في فيلم "كدبة كل يوم"
- "دينا الشربيني" في فيلم "كدبة كل يوم" قالت لِ "عمرو يوسف" : "أنت تعرف أيه عن عذاب واحدة متجوزة وعايشة مع جوزها ومش حاسه أن هو بيبحبها ؟! ،، معيشها في رعب 24 ساعة أن هو ممكن يسيبها عشان بقت كئيبة ومقرفة مع ان هو السبب ،، مدي الحق لنفسُه أنُه يطلع فيها مليون عيب ومش مديها الحق أنها تطلع فيه عيب واحد ،، تعرف ده إسمُه أيه يا "هشام" ده إسمُه غلب ،، غُلب ويارب عمرك ما تعرفه ولا تحسُه لأن بجد لو حسيته هتروح تموت نفسك. ولو هو ده بقى الجواز يبقى يغور في 60 داهية انا مش عيزاه.
،،
- لازم ناس كتير تفهم أن الفرق بين قبل الجواز وبعده هو الأهمال ،، القصة كلها ان نسبة كبيرة جدًا من الرجالة بيبقوا فاهمين انه خلاص بقى أمتلكها وبقت بتاعته ، وكأنها "حيوان" أشتراه وحبسة جوه بيته ف ضمنه ، قبل الجواز مكالمات ، هدايا ، مقابلات وأحضان ، كلام حلو ملوش آخر ،،، لكن بعد الجواز شغل ونوم وكأن الحياة كلها أنه يوفرلها أكل وشرب مع أنُه لو فكر لحظه هيلاقي ان كل ده كان موجود ف بيت أهلها ، ويبدأ يهمل ويهمل وهي تسكت وتنطفي والعلاقة شوية شوية تُصالب بالفتور والبرود لحد ما تبقى العيشة ميته.
،،
- المطربة "أنغام" قالت في أغنيتها "واحدة كاملة". "كلمة حلوة لو مجاملة مبقتش حتى بتقولها ليا كل ده مع أن عاملة اللي عليا وأكتر شوية وياما بتحمل معاملة وأقول لنفسي زي بعضه انت عايز واحدة كاملة والكمال لله لواحدة".
،،
- قالت "كلمة حلوة ولو مجاملة" مش طمعانة ف أكتر من الكلمة الحلوة ، عينك تيجي ف عيبنها أبتسم ، قدمتلك أكل ، شرب ، لبس قولها شكرا وأنت مبستم والله ينور عليكي ،، صدقني الكلمتين دول بيهزوها هز. الفكرة كلها ف انك تهتم تقول كلمة حلوة ،، تبتسم ،، وانت راجع بيتك هات معاك حاجة ليها مهمًا كانت بسيطة ولو باكو لبان أو شيكولاتاية ب 2 جنيه ،، الحجات دي مهمًا كانت بسيطة بس بتفرحهم قوي .
،،
- الخلاصة : متسيبوش الأهمال يدمر بيوتكم ويخليها بيوت ميته مفيهاش حياة كلها مشاكل ،، الواحد فينا لو بيعمل لزوجته ربع اللي بيعمله لما بيعرف واحدة برة مراته دي هتسجدله أقسم بالله. بدال ما تصب أهتمامك ع مرات غيرك او بنت ناس متحقلكش صُبه ع أهل بيتك. "خاف الله فيها".
،،
0 التعليقات :
إرسال تعليق