* كل غالي يهون يا حبيبي فداك * ياسر : ابو الفصلان .. ياسمين : استني دي ملك .. الو ايوة يا موكا ازيك .. انتي بتكلمي بجد !! .. تيجي بالسلامة يا حبيبتي عملتي الصح .. ماشي مع السلامة .. ياسر : في ايه .. هي راجعة مصر .. ملك : هههه اه وهتوصل مصر علي الظهر كده.. ياسر : تيجي بالسلامة تحبي نروح نجبها .. ملك : ده اكيد ... ______&______ في بيت عبد الرحمن .. عبد الرحمن : مامااااا .. يا حججة .. مامته : ايوة يا حبيبي في ايه ... عبد الرحمن : مشفتيش القميص الرصاصي بتاعي ... مامته : عندك في الرف التاني علي الشمال .. عبد الرحمن : مش لاقيه ... مامته : ولو جيت طلعتهولك ... عبد الرحمن : اه خلاص يا ست الكل لقيته .. مامته : علي فين خير بقالك كتير مخرجتش . عبد الرحمن : رايح اقابل الواد محمد بقالي كتير مشوفتوش .. مامته : محمد بس مفيش واحدة كده ولا كده.. عبد الرحمن : انتي تعرفي عني كده بردو يا امي ... مامته : يابني نفسي افرح بيك بقي .. عبد الرحمن : ربنا يقدم اللي فيه الخير .. _____&_____ فى بيت محمد .. محمد : السلام عليكم باباه : وعليكم السلام يالا يا باشا اطلع حضر شنطتك .. محمد : خير فى ايه .. باباه : فى شغل بكرة فى دبي لازم يخلص ومش قادر اروح يا محمد .. محمد : طب تمام انا اصلا كنت عايز اغير جو .. باباه : ماشى يالا عشان نتعشى بقى .. محمد : لا انا خارج هتعشى مع عبد الرحمن .. باباه : ابقى سلملى عليه .. محمد : الله يسلمك .. _____&______ نرجع بقى لملك تانى .. بس المرة دى الحوار بين نفس الشخص ..ملك " وبعدين يا ملك هتعملى ايه خلاص بقيتى لوحدك .. " القلب : *بس انتى لسة مش لوحدك انتى لسة عيلتك فى مصر يا ملك * العقل : *اهلك مين يا ملك انتى وامك واخوكى كنتوا دايما اخر همهم* القلب : *واخوكى كمان موجود يا ملك * العقل :*اخوكى وهو فين اخوكى ده يا ملك .. بقالك اد ايه مشفتهوش* القلب : *مهما كان اخوكى يا ملك * ملك : ببببببس ......... _____&______ فى بيت رنا وفى اوضتها .. رنا : ماشى يا محمد انا هوريك اما نشوف اخرتها معاك .. لكن قطع غضب رنا صوت تلفونها بيرن .. رنا : الو ايوة يا سوسو .. ياسمين : ايه يا رنوش مكنتش اعرف انك جامدة كده .. رنا : ها !؟ مش فاهم .. ياسمين : مش انتي اللى اقنعتى ملك انها ترجع مصر .. رنا : ملك !! هى ملك راجعة مصر !! .. ياسمين : انا افتكرتك انتى اللى اقنعتيها .. رنا : انا مكملتهاش والله لسة اصلا راجعة البيت من ساعة كده .. ياسمين : طيب على العموم انا وياسر هنروح نجيبها من المطار هتيجى !؟ رنا : مش عارفة والله هشوف كده لو مش ورايا شغل كتير هبقى اتصل واقولك .. ياسمين : ماشى يا رنوش على تلفونات بقى .. سلام رنا : سلام .. ______&_____ عند اتنين صحابنا كانوا متفقين على معاد .. محمد : يا مساء الفل والجمال على الناس الجمال .. عبد الرحمن : ايوة ايوة الهينى بقى عن تاخيرك .. محمد : اسكت يا اخويا طلعتلى سفرية من تحت الارض .. عبد الرحمن : فين .. محمد : دبى .. عبد الرحمن : اشمعنا يا اسطاا.. محمد : هروح اخلص لابويا شوية شغل كده وارجع علطول .. عبد الرحمن : خليك هناك يا حمادة غيرلك جو شوية من خنقة الشغل .. محمد : ومين بقى اللى يشوف الشركة يا ناصح .. عبد الرحمن : اى حد هو مفيش غيرك .. محمد : لا ملوش لزوم .. المهم خلينا بقى فى اللى جبتك عشانه .. عبد الرحمن : خير .. محمد : بص يا سيدى .. ____&_____ نرجع تانى لروما .. كانت ملك بتحضر شنطتها وخلاص على وشك انها تنام .. بس تلفونها رن .. ملك : الو ..انا عارفة انك مش هتهدى غير لما اقولك انى وصلت مصر .. حسن : انا قلت اتصل اطمن انك فاكرة معاد الطيارة لحسن تفوت عليكى يبقى ذنبك فى رقبتى .. ملك : هههههه لا متقلقش فاكراه كويس .. حسن : ماشى توصلى بالسلامة .. ملك : الله يسلمك .. حسن : لما توصلى طمنينى .. ملك : حاضر .. حسن .. حسن : خير .. ملك : مش هوصيك على المطعم .. حسن : متقلقيش .. ملك .. ملك : نعم .. حسن : خلى بالك من نفسك .. لا اله الا الله .. ملك : محمد رسول الله .. ______&_____ ونرجع تانى للمكان الى كنا فيه .. عبد الرحمن : بصراحة معاك حق تقلق .. يعني اللى يبعلك حاجة بالسعر ده هى اصلا اغلى الضعف فى اى مكان لازم تشك فيه .. محمد : ماهو ده اللى قالقنى كل مرة كان اه ى تخفيض بس الخامات كانت نضيفة .. المرة دى الاسعار نازلة اكتر من النص يعنى تقريبا البضاعة هتبقى بواقى وانا مش هنزل كولكشن اخسر فيه .. عبد الرحمن : انت صح .. ومتسمعش كلام رنا دى انا اصلا مبستريحلهاش.. محمد : ههههه لا يا باشا عادى .. هى بس بتحب تشتغل بسرعة .. عبد الرحمن : اصرارها على حاجة اى حد يقول انها غلط ده مسموش حب للشغل .. محمد : متقلقش .. محدش يعرف يجبرنى على حاجة .. عبد الرحمن : طب يالا بقى يا حبيبى انا ورايا شغل وانت وراك سفر .. محمد : يالا .. _____&______ خلصت ملك كل حاجة وكانت بتحاول تنام .. ..بتفتكر كلام لمامتها .. فلاش باك من 3 سنين .. ملك : وانتي يا ماما موقفتيش قدامهم ليه وحاولتى ترجعى حقنا .. مامتها : مكنتش هعرف يا بنتى كنت لوحدى .. وهما كانوا ممكن يسكتونى باى طريقة انتى بنفسك كنتى بتشوفى بيعاملوكى ازاى .. ملك : يعنى كان كل اللى همهم الفلوس .. عشان كده كانوا بيدلعوا سيف عشان يبقى فى صفهم .. مامتها : الله ينور عليكى .. واهو بقى فى صفهم فعلا .. اوعى يا ملك تسيبى حقك يضيع ولازم ترجعى اخوكى فى صفك تانى اخوكى طالعلهم كلب فلوس .. لو رجعتى حقكوا هيرجع معاكى تانى .. فاقت ملك من زكرياتها وقررت تنام .. ____&____ وبعد ما كان النهار طلع فى مصر .. ام ياسمين : يالا يا ياسمين الساعة 11 هتتاخروا كده .. ياسمين : خلاص يا ماما خلصت اهو .. طلعت ياسمين من غرفتها وكان ياسر مستنيها .. ياسر : اللهم صلى على النبى .. هو انتى كل يوم بتحلوى انا مكنتش سايبك كده امبارح .. ياسمين : احم احم .. ماما هنا على فكرة .. مامتها : ههههههه لا متخافيش اتعودت .. ياسمين : طب يالا بقى عشان منتاخرش .. ياسر : يالا سلام يا حماتي ... مامتها : مع السلامة يا ولاد ربنا يحفظكوا .. _______&_____ فى شركة محمد .. رن تلفون رنا .. رنا : الو .. ايوة يا ياسمين .. لا يا حبيبتى مش هعرف اجى .. البيه سافر وسايبلى الشغل فوق دماغى انا ... خلاص هبقى اشوفها بليل ابقى سلميلى عليها ... سلام .. قفلت المكالمة وهى بتنفخ وبتقول فى نفسها ..* هفضل تحت رحمته لحد امتى هفضل سكرتيرة ابوه كده كتير ..* _____&______ اما محمد اللى كان لسة صاحي ... محمد : اااه يا دمااغي .. كانت ناقصة سفر كمان .. بص فى محمد فى الساعة واتفزع اول ما شاف ان فاضل ساعة على الطيارة ..: يا نهار اسود الساعة 11 الطيارة هتفوت يا محمد الطيارة هتفوت يا محمد .... ______&_____ وبعد ساعة الاربع كانت ملك وصلت لمطار مصر ... ملك : الو ايوة يا ياسمين انا وصلت ..خلاص هستناكوا برة.. اه انا طالعة اهو .. كانت ملك بتقفل المكالمة لكن التلفون وقع منها لانها خبطت فى حد : الله مش تحاسب يا .... وبعد ساعة الاربع كانت ملك وصلت لمطار مصر ... ملك : الو ايوة يا ياسمين انا وصلت ..خلاص هستناكوا برة.. اه انا طالعة اهو .. كانت ملك بتقفل المكالمة لكن التلفون وقع منها لانها خبطت فى حد : الله مش تحاسب ي .... .... : انا اسف انا اسف .. مشي الشخص ده بسرعة لكن بعد ثانية .. .... : يا انسة يا انسة .. ملك : نعم .. .... : لو سمحت هي طيارة دبي طلعت ... ملك : معرفش والله ... بس يمكن .. محمد : يالهووووووي ... طب سلام سلام. . ضحكت ملك علي طريقة محمد وتصرفاته .. : يا مجنوون .. بس قطع ضحكها صوت من وراها ... واول ما التفتت كانت في حضن ياسمين .. ياسمين : ملللللك ... وحشتيني يا بت اخيراا ملك : سوسو وانتي كماااان .... ياسر : حمدلله علي سلامتك يا ملك .. ملك : الله يسلمك يا ياسر .. ازيك عامل ايه ياسر : الحمدلله بخير .. يالا بقي نروح زمان طنط هتموت وتشوفك .. ياسمين : اه والله دي صاحية من الصبح عملتلك كل الاكل اللي بتحبيه والحلويات اللي بتحبيها بقي ومظبطاكي ... ملك : ليه بس تعبت نفسها كده .. ياسمين : تعب ايه بس يا موكا .. انتي زي بنتها .. ملك : ربنا يخليها ... يالا بس شوقتوني اروح ... ياسمين : يالا .. خد الشنط بقي يا ياسر واحنا جايين ... ياسر : ده انا بقيت شيال خصوصي كمان بقي مش سواق بس ... يالا امري لله .. ياسمين : يالا يا حبيبي عشان خاطري .. ياسر : عنيا يا قلبي .. ملك : لا راعوا مشاعري هاا .. ______&_______ في المطار وتحديدا طيارة دبي ... محمد : لو سمحت ... المضيفة : اتفضل يا فندم .. محمد : معلش بس كنت عايز اسئل سؤال . المضيفة : تحت امرك .. محمد : هي الطيارة اللي وصلت قبل طيارة دبي متعرفيش من انهي بلد .. المضيفة : والله مش متاكدة بس تقريبا روما .. محمد : طيب شكرا جدا .... طبعا لازم تبقي من روما .. راكب في الطيارة : لو سمحت يابني .. محمد : نعم يا حج .. الراكب : هو انت سافرت كتير قبل كده .. محمد : يعني حاجة زي كده ... خير الراكب : اصلهم بيقولوا انه مش امن يابني والطيارات بتبوظ دايما ... محمد : تبوظ ايه بس يا حج صل علي النبي .. نام يا حج واما نوصل هصحيك .. هو اليوم باين من اوله ... ______&_____ في الشركة ... رن تلفون رنا وهي في مكتبها ... رنا : خير ... .... : ايه الرد الناشف ده موحشتكيش ولا ايه ... رنا : مفيش جديد محمد سافر دبي وراجع بكرة الصبح ولسة مخدش قرار نهائي .. .... : يييييه زعلتيني اوي كده ... رنا : اعملك ايه يعني .. مفيش حاجة اعملها ... ..... : رصيدك في البنك النهاردة هيزيد 5000 جنيه ... بس خلي بالك انا مش هشجعك كده كتير .... رنا : وانا بعمل اللي في ايدي ... ..... : سلام يا رنوش .. رنا " رشوك بمية نار يا شيخ " : سلام ... هووووف هتعملي ايه يا رنا ... الله يخربيت اليوم اللي عرفتك فيه ... _______&_______ وبعد ما وصلت ملك لبيت ياسمين .. وبعد السلامات والاحضان. .. ام ياسمين : يا اهلا يا اهلا اخيرا مصر نورت .. ملك : منورة باهلها يا طنط وحشتيني والله . مامتها : وانتي كمان والله يا حبيبتي .. ياسمين : وانا موحشتكيش بقي ولا ايه .. ملك : لا طبعا لو انتي موحشتنيش مين اللي هيوحشني ... ياسمين : حبيبتي بقي ^^.. مامتها (فريدة): بصي بقي يا ملوكة انتي هتفضلي قاعدة في البيت ده لحد ما تروحي بيت جوزك ... ملك : ههههههه جوزي مين بس يا طنط انا راجعة روما تاني انا جاية هنا اخلص حاجات وراجعة تانية ... فريدة : راجعة او مش راجعة طول ما انتي في مصر البيت ده بيتك .. ملك : الله يخليكي يا طنط .. بس انا اسبوعين كده وهروح بيتنا ... ياسمين : انهي بيت ده يا ملك ... ملك : بيت ماما ... فريدة : يا بنتي ده بقاله سنين متفحش .. ملك : هيتفتح ويتنظف ويدهن واقعد فيه لحد ما اسافر .. وبعدين هبيعه .. فريدة " بس الورق هناك " : لا لا يا بنتي تبعيه فين .. لا لا مينفعش تبعيه امك كانت بتحب البيت ده اوي ... ملك : متخافيش يا طنط انا يعني لسة بفكر ... ياسمين : المهم بقي سيبك من كل ده بما انك جيتي انا فرحي كمان 3 شهور تحضري نفسك بقي تفرشي الشقة معانا بدل صاحبتك الندلة اللي مش فضيالي .. ملك : ااهاا رناا .. صح هاتي اكلمها بقي .. فريدة : ناكل الاول وبعدين اعملوا اللي انتوا عايزينه .... _____&_____ في بيت تاني ... فتح عبد الرحمن الباب ودخل ... عبد الرحمن : ماماااا ... يا اااامي .. يا ست الكل ... اتصدم عبد الرحمن من اللي شافه .. : مامااااا .... gasp emoticon ______&______ في مكان لاول مرة نروحه ... ياسر : انا قلقان اوي يا احمد هي كانت ناقصة كمان تاخير مرتبات .. احمد : كل تاخيرة وفيها خيرة متقلقش .. ياسر : اه طبعا ما انت موركش حاجة .. احمد : قروا علينا بقي .. انا مالي انا ومال الستات والجواز والنكد ده .. ياسر : نكد .. معلش بكرة تجرب .. احمد : اجرب ايه ؟ النكد ؟ ... ياسر : الحب يا متخلف ... احمد : يا عم انا ماليش في جو هاني شاكر ده ... ياسر : متخفش مسيرها تيجي اللي توقعك .. احمد : هاهاهاهاها.. توقع مين يابني انا مش عارف صاحبك ولا ايه ... ياسر : هههههههه لا المصيبة اني عارفه .. _____&_____ نرجع لرنا في الشركة ... رنا : انا مش هقعد اقنع كل واحد شوية .. مالها الخامات زيها زي غيرها ... عمرو : يا رنا لو سمحت ده شغلي انا الخامات هنا جودتها رديئة جدا ومتديش مجال الواحد يبدع فيها .. رنا : المصمم الشاطر يعرف يشتغل في اي حاجة ... عمرو : رنا مش حضرتك اللي هتفهميني شغلي .. واذا كنتوا انتوا عايزين تخسروا فلوس .. انا مش عايز اخسر سمعة .. رنا : لا انا هفهمك شغلي ولا انت هتغير قرار الادارة لما يرجع مستر محمد من سفره العقود هتتمضي كده كده ... عمرو : هههههههه الشركة مبيستخباش فيها حاجة يا رنا ... محمد مش موافق اصلا .. رنا : ياااه ده انتوا مراقبينا ولا ايه .. عمرو : لا والله حضرتك اللي نايمة علي ودانك ... محمد اتكلم معايا قبل سفره .. فلاش باك من 4 ايام ... الباب بيخبط ... محمد : اقدر ادخل .. عمرو : اكيييد يا باشا .. ازيك .. محمد : الحمد الله.. ايه اخبار الشغل .... عمرو : والله تمام انا شغال في ال diesgens وقربت اخلص .. محمد : ايه رايك في الخامات المرة دي .. عمرو : والله انا كنت هكلمك في الموضوع ده ... محمد : واديني سبقتك يا سيدي .. عمرو : الخامات رديئة جدا تحت المستوي المطلوب ... يعني لا جودة ولا شكل ولا هتتباع اساسا ... محمد : عشان كده انا مش موافق .. ...... → رنا : يعني بوظت الموضوع والحمدالله .. عمرو : اسمعي يا رنا ..بلاش اللعبة دي مع محمد .. دي اكبر منك اوي .. رنا : انت قصدك ايه بالكلام ده .... عمرو : يعني لو فكراني مش فاهم بتشتغلي مع مين تبقي هبلة .. شكلهم نسوا يقلولك انهم حاولوا معايا قبلك .. رنا : انا مش فاضية للهبل ده .. عمرو : علي كيفك .... رناااا ... علي فكرة انتي لسة في اولها .. بس صدقيني لو الصفقة دي تمت واتكشفتي بعد كده ... صعب محمد يسامحك ... ..... خرجت رنا من مكتبه وهي متلخبطة مش عارفة تعمل ايه ... تكمل ولا ترجع .. هتخسر ولا هتكسب .. كان ايه اللي خلاكي وقعتي الوقعة دي يا رنا ... _____&_____ في المستشفي ... عبد الرحمن : طمنيني يا دكتور ماما مالها حمدلله علي السلامة يا امي .. متخضيناش عليكي تاني بقي .. مامته ( سحر ) : الله يسلمك يا بنتي .. يمني : حضرتك ابنها يا استاذ صح. . عبد الرحمن : ايوة .. يمني : طب معلش ممكن تتفضل معايا دقيقة ونسيب ماما ترتاح .. عبد الرحمن : طبعا اتفضلي .. ..... خرجوا من الاوضة ... يمني : والدة حضرتك مشتكتلكش من حاجة ... عبد الرحمن : لا ابدا دي صحتها كويسة جدا .. يمني : انا اسفة اني هقولك كده بس والدتك عندها سكر .. وده فقدان وعي لان السكر انخفض في الدم ... اكيد مامتك علي علم بمرضها بس مرضتش تقولك .. ياريت تخلي بالك منها كويس .. عبد الرحمن : طب والادوية والعلاج و.. يمني : متقلقش اكيد في دكتور بيتابعها وكاتبلها الادوية ... عبد الرحمن : طب انا متشكر اوي يا دكتورة .... يمني : العفو علي ايه ده واجبي ... _______&_______ نرجع تاني لبيت فريدة .... وتحديدا اوضة ياسمين ... ياسمين : بصي بقي يا ستي احنا لسة بندهن الاوض والعفش هيخلص كمان اسبوع .. ملك : ايه ده مش المفروض انكوا بتشتروه.. ياسمين : لا ماهو انا صممت نعمله عجبتني شوية تصاميم علي النت تحفة وعملناهم زيهم .. ملك : اممممم وماله مبروك يا سوسو شوفتي بقالي 10 سنين بعيدة عشان ارجع علي جوازك ... ياسمين : ياريتك تفضلي هنا يا ملك. . ملك : النصيب بقي ... اخبار البت رنا ايه مفيش حاجة كده ولا كده ... ياسمين : لا ياختي هي مركزة في شغلها وبس ولا بتبص يمين ولا شمال ... انتي اللي مفيش حاجة كده ولا كده ... اخبار روما ومزز روما ايه انقرضوا ... ملك : مزز ايه ونيلة ايه دي عيال ملزقة .. وبعدين مافي هنا مزز بردو بس شكلهم مجانين ... ياسمين : هههههههه اعترفي اعترفي ... ملك : هههههههههه لا مفيش حاجة والله ده واحد مجنون شفته في المطار .. ياسمين : ههههاحكي احكي حصل ايه ... ملك : بعد ما كلمتك لسة بقفل الفون خبطت في حد وقع مني .... انا لسة بقوله حاسب وببصله شفت عنين يا اوختشي ... هييييييح .... ياسمين : لونها ايه ها ها خضراء ولا زرقا ... ملك : عسلي ^^ ... ياسمين : لا دول منتشرين ... ملك : لا بس عنيه كانت حلوة اوي ووااسعة .. وياسمين : وبعدين يا عنيا وبعدين .... ملك : ولا حاجة قالي انا اسف اسف .. مشيت لقيته بينده بقوله نعم .. قالي طيارة دبي طلعت ولا لسة .. قلتله لا فاضل ربع ساعة ... طلع يجري ويقول يالهوي الطيارة هتفوت .. وانا وقفت اضحك عليه .. ياسمين : ههههههههههه علله يكون لحقها .. ملك : ههههههههه ... _______&_______ نرجع لمكان تاني مرة نروحه ..... ياسر : تمام يا باشا .. ان شاء الله .. مع السلامة ... ... بقولك يا احمد احمد : نعم يا سيد المعلمين ... ياسر : بكرة هيدهنوا الشقة ... وهبقي واقف معاهم وفي حاجات لازم اجبها ومش هعرف ... احمد : لا تقلق يا صدشيقي ... هات العنوان وقولي حاجة ايه ... ياسر : استني اكتبهولك ... .. هتروح يا سيدي تجيب البراويز اللي باسم ياسر عز .. احمد : واجبهملك علي الشقة صح .. ياسر : هتجبهم الشقة اعمل بيهم ايه يا غبي ... انت هتوديهم علي بيت ياسمين ... احمد : اهااا وماله ما انا خدام ابوك ... _____&&______ في طيارة دبي .. محمد : لو سمحت لو سمحت ... المضيفة : اؤمر يا فندم ... محمد : الاستاذ اللي قاعد هناك اللي لابس اسود ده .. انا متهيالي شوفته قبل كده .. المضيفة : ده يا فندم رجل اعمال كبير .. عنده مصانع وشركات كتير في دبي .. محمد : متعرفيش مصانع لايه بالظبط .. المضيفة : والله يا فندم تقريبا اقمشة ... محمد : يا محااااسن الصدف ... طيب شكرا اوي ... المضيفة : العفو يا فندم ... ______&_______ في بيت عبد الرحمن ... عبد الرحمن : كده بردو يا امي تخبي عليا .. سحر : مكنتش عايزاك تقلق يابني انت فيك اللي مكفيك ... عبد الرحمن : مفيش حاجة في الدنيا دي اغلي منك يا امي ... بعد كده انا اللي هاخد بالي منك. .. سحر : ربنا يخليك ليا يابني .. متقلقش انا هبقي كويسة ... ______&______ نرجع تاني لرنا ... رن تلفون رنا ... : الو ... موكاااااا وحشتيييييني ... ملك : وانتي كمان يا ندله كده شهرين متكلمنيش ... رنا : معلش يا حبيبتي الشغل والله ... ملك : ولا يهمك بس انا جيت ومفيش اعذار.... رنا : اكييييد ولازم اشوفك النهاردة ... ملك : معنديش مانع اي مكان تحبيه ... رنا : في كافي ingôÿ بعد ساعة ونص .. ملك : هستناكي انا وسمسم ... خلصت المكالمة ونرجع لملك ... ملك : يالا يا سوسو حضري نفسك كمان ساعة هنقابل رنا ... ياسمين : هتقابليها فين يا بنتي ارتاحي شوية انتي راجعة من السفر ... ملك : وحياة ابوكي انا مبطقش اقعد في البيت ... ياسمين : طب هنقابلها فين ... ملك : في كافي ingôÿ .... ياسمين : لا ياختي انا مليش في جو الكافيهات ده روحي قابليها انتي .... ملك : كده يا سوسو هتسبيني اروح لوحدي ... ياسمين : اه لللللل ... ____&_____ نرجع تاني للطائرة المحلقة في الجو .. محمد : والله انا اتشرفت بمعرفة حضرتك جدا واتمني العلاقة متقفش لحد هنا ... عدنان : انا كمان والله اتشرفت بمعرفة حضرتك .. واكيد العلاقة ما توقف .. محمد : اكيييد بس انا كنت عاوز اخد فكرة عن اقمشة مصانع حضرتك ... عدنان : والله بتشرفني بزيارتك لشركتي وهناك بتشوف احلي اقمشة ... محمد : اكيد هنتقابل في فرصة تانية ... عدنان : ان شاء الله ... ______&_____ بعد ساعة ونص في الكافي ... رنا : والله وحشني كلامك يا ملك ... ملك : هههههه وانا وحشني رخامتك .. رنا : اخس عليكي طب ده انتي اكتر واحدة ببقي حنينة معاها ... ملك : بهزر معاك يا قمر هو انتي في حنيتك حد يا رنوووش .. رنا : بحبك اعثل ^^ ... ...... : ياااااه ايه الصدف الحلوة دي ...
0 التعليقات :
إرسال تعليق