مشهد ده من فيلم "كدبة كل يوم"

- في المشهد ده من فيلم "كدبة كل يوم" في رسالة وصلة لِ "هادية" ف قرءتها على جوزها "عادل". الرسالة كانت عبارة عن نُكتة قبيحة واللي باعتها واحد صاحبها ف الشغل، عادل لما قرأ الرسالة أتضايق جدًا وسألها إزاي واحد صاحبك ف الشغل يبعتلك رسالة قبيحة كده.
،،
- ف مشهد تاني "هادية" كانت عاوزة تنزل البحر بالمايوة و "عادل" رفض لكن هي دخلت معاه ف نقاش جامد وقعدت تتهمه بالرجعية والجهل والتخلف لمجرد أنُه غيران عليها. وطول الفيلم كانت قاعده تمجد في أصحاب جوزها قدامه ،، تتكلم عن جمال كريم ،، روشنة هشام ومش واخده بالها ان الكلام ده بيأذي جدًا ف مشاعر جوزها.
،،
- #الخلاصة_المقصود : في قاعدة ثابتة بتقول "مفيش حد بياخد كل حاجة" والقاعدة دي عشان ترتاح معاها لازم يكون عندك رضا ،، ستات كتير غبية جدًا ، جاحدة ، أنانية ، عاوزة كل حاجة ،، عاوزة واحد غني ، شكله حلو ، صايع وروش ، صحته حلوة ،،، وبناءً عليه معندهاش رضا ف بتقعد تعقد في جوزها وتكدره وتكرهه ف العيشة وف الغالب العلاقة دي بتنتهي بطلاقها وخراب بيتها.
،،
- من الأدب ف العلاقات انك متذكرش قدام حد شيء ناقصه فما بالك ب جوزك ، مش غني أصبري معاه ع الحلوة والمرة مدام قبلتيه زوجك ، مش جميل ف جمال الروح أهم من كل شيء ، مش مدردح ف أحمدي ربنا عشان لو كان كده كان سابك أصلًا. مفيش أقذر من ست قاعده تكدر ف جوزها ف كل وقت وتحسسه بالنقص ، النوع ده من الستات بيبقى مقرف ، حقير وعمره ما بيتبنيله بيت.
،،
- أي ست لازم تفهم أن لها حقوق وعليها واجبات ،، حقوقها (يحترمها وأهلها ، يصرف عليها قدر أستطاعته ، ميقللش من كرامتها ولا يفضل عليها ست تانية ، يديها حقوقها ك زوجة قدر إستطاعته) وف المقابل هي تحترمه ، توفرله الهدوء ، تحافظله ع بيته نضيف وتخاف ع سمعته وتصونه ف الحضور والغياب ، ولو قصر ف ركن من الأركان دي تحت وطأة الظروف تتحمله وبالحُسنى تحاول ترده للصح. غير كده متبقاش بنت أصول ولا تعرف معنى كلمة العشرة.

هذا النص هو مثال لنص يمكن ان يستبدل في نفس المساحة ايضا يمكنك زيارة مدونة مدون محترف لمزيد من تحميل قوالب بلوجر.